თემურ იაკობაშვილი - მთავრობა ქუთაისში არ გადადის
მთავრობა თბილისში რჩება, ხოლო ქუთაისში მთავრობის სახლში მთავრობის ცალკეული ინსტიტუციები განლაგდება, - ამის შესახებ მთავრობის სხდომაზე რეინტეგრაციის საკითხებში სახელმწიფო მინისტრმა თემურ იაკობაშვილმა განაცხადა .
"მთავრობა რჩება თბილისში. პრეზიდენტი მთავრობის სახლის გახსნას დაესწრო, სადაც სამთავრობო ინსტიტუციები განლაგდება", - განაცხადა თემურ იაკობაშვილმა.
დღეს ქუთაისში, პრეზიდენტმა მიხეილ სააკაშვილმა მთავრობის სახლის მშენებლობას საფუძველი ჩაუყარა.
"თბილისიდან ნელ-ნელა, ნაბიჯ-ნაბიჯ ვიპარებით, ჯერ პარლამენტი შემოგაპარეთ, ახლა კი – მთავრობა", - განაცხადა მიხეილ სააკაშვილმა მთავრობის სახლის მშენებლობის გახსნაზე.
