პარლამენტის წევრი, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე გია არსენიშვილი 68 წლის ასაკში გულის შეტევით გარდაიცვალა .

არსენიშვილი სხვადასხვა დროს იყო თბილისის სახელმწიფო უნივერსიტეტის მათემატიკის ინსტიტუტის ფაკულტეტის დოცენტი, გამოყენებითი მათემატიკის ფაკულტეტის დეკანი, ტექნიკურ მეცნიერებათა დოქტორი. დააარსა მათემატიკური მეთოდების გამოყენების კათედრა და იყო ამავე კათედრის გამგე.

1995 – 2000 მუშაობდა საქართველოს პრეზიდენტის რწმუნებულად კახეთში. 2000 – 2001 დაინიშნა საქართველოს სახელმწიფო მინისტრად. 2001 – 2004 იყო საქართველოს საგანგებო და სრულუფლებიანი ელი ავსტრიაში, უნგრეთში, სლოვენიაში, სლოვაკეთსა და ჩეხეთში. 2004 – 2006 არჩეული იყო საქართველოს გაერთიანებული ტელეკომის სამეთვალყურეო საბჭოს თავმჯდომარედ. 2006 – 2007 წლებში იყო საქართველოს რკინიგზის სამეთვალყურეო საბჭოს თავმჯდომარე. 2008 წლის ივნისიდან საქართველოს პარლამენტის წევრი, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის თანამდებობა ეკავა.