"მაესტროს" ახალი გენერალური დირექტორი ჰყავს

ტელეკომპანია "მაესტროს" ახალი დირექტორი ჰყავს .

"ინტერპრესნიუსის" ინფორმაციით, ამ პოსტზე "მაესტროს" ერთ-ერთი მფლობელი, ბაჩო კიკაბიძე დაინიშნა, თუმცა ჩვენთან საუბრისას კიკაბიძე აცხადებს, რომ აღნიშნულ საკითხზე კონსულტაციები კვლავ გრძელდება.

მისივე ცნობით, კონსულტაციები ასევე გრძელდება ეროსი კიწმარიშვილთან დავალიანების დაფარვის თაობაზე.

რაც შეეხება ტელეკომპანიის მაუწყებლობას, როგორც კიკაბიძემ აღნიშნა, "ზამთრის არდადაგები დასრულდა და "მაესტრო" დღეიდან ჩვეულ რეჟიმში გააგრძელებს მუშაობს".

შეგახსენებთ, რომ "მაეტროს" ყოფილმა გენერალურმა დირექტორმა, კახა ბექაურმა, თანამდებობა დეკემბერში დატოვა, მას შემდეგ, რაც ტელევიზიიის მმართველი კომპანიის ხელმძღვანელს, ეროსი კიწმარიშვილს დაუპირისპირდა.