ვაზისუბნის II მიკრორაიონში მდებარე #165-ე ბაგა-ბაღის შენობიდან ამ წუთებში დევნილების გამოსახლების პროცესი მიმდინარეობს.

ბაგა-ბაღის შენობაში დევნილები 2008 წლიდან ცხოვრობენ. ისინი ძირითადად კოდორის ხეობიდან და ახალგორიდან, აგვისტოს ომის შედეგად დაზარალებული ოჯახები არიან. ობიექტზე სულ 60-მდე ადამიანი ცხოვრობს.

დევნილების განცხადებით, მათ ალტერნატიულ ფართს ბაკურციხესა და წინწყაროში სთავაზობენ. მათი ინფორმაციით, კომპენსაცია არ მიუღიათ და სახელმწიფო ალტერნატიულ ფართს მხოლოდ ბაკურციხესა და წინწყაროში სთავაზობს.

გამოსახლების პროცესი მშვიდ ვითარებაში მიმდინარეობს.