მესტიის რაიონი მკლავჭიდში სვანეთის თასის გათამაშებას მასპინძლობს. ღია ტურნირი - "სვანეთის თასი 2011", რომელიც უფროსი ასაკის სპორტსმენებს შორის მიმდინარეობს, სპორტისა და ახალგაზრდობის საქმეთა სამინისტროსა და მკლავჭიდის ფედერაციის ერთობლივი ორგანიზებით ტარდება.

სამინისტროს ინფორმაციით, ტურნირის მესტიაში გამართვა სვანეთში ახალგაზრდა ტალანტების მოძიებასა და საქართველოს ამ რეგიონში მკლავჭიდის ტრადიციების აღორძინებას ემსახურება. ტურნირში მონაწილეობას სვანეთის გარდა, საქართველოს სხვადასხვა რეგიონის წარმომადგენელი სპორტსმენები იღებენ.

მკლავჭიდის ფედერაციის პრეზიდენტის ერეკლე გურჩიანის განცხადებით, ტურნირი ტრადიციული გახდება და მკლავჭიდში ახალგაზრდა ტალანტების მოძიებასთან ერთდ, ჯანსაღი ცხოვრების წესის დამკვიდრებას შეუწყობს ხელს.