ტრიპოლში 160 ადამიანია დაღუპული

ლიბიის დედაქალაქ ტრიპოლში 160 ადამიანია დაღუპული. ამის შესახებ "არაბია ტვ" იუწყება. ტელეარხს ეს ინფორმაცია თვითმხილველმა მიაწოდა.

ჯერ სხვა ინფორმაცია მომხდართან დაკავშირებით არ არსებობს.

გაეროში ლიბიელი დიპლომატის მოადგილემ იბრაჰიმ დაბაშიმ კი ჟურნალისტებს განუცხადა, რომ მუამარ კადაფმა საკუთარ ხალხს ომი გამოუცხადა. "მან საკუთარ ხალხს ომი გამოუცხადა და ლიბიელებს გენოციდს უწყობს", _ განაცხადა დაბაშიმ. ინფორმაციას ამის შესახებ "სი-ენ-ენი" ავრცელებს.

ცოტა ხნის წინ ტელეარხი "ალ-ჯაზირა" თვითმხილველებზე დაყრდნობით იუწყებოდა, რომ ლიბიის სამხედრო-საჰაერო ძალებმა ტრიპოლში კადაფის მოწინააღმდეგეებს ცეცხლი გაუხსნეს.