ავღანეთში ქართველი უმცროსი სერჟანტი ლავროსი ივანიაძე დაიღუპა. ამის შესახებ საქართველოს თავდაცვის სამინისტრო იუწყება.

სამინისტრო მწუხარებას გამოთქვამს ლავროსი ივანიაძის გარდაცვალების გამო.

უმცროსი სერჟანტი ივანიაძე 33-ე ბატალიონის შემადგენლობაში IშAF-ის სამშვიდობო მისიის ფარგლებში ჰელმანდის პროვინციაში მსახურობდა. ივანიაძე პატრულირების დროს ნაღმზე აფეთქების შედეგად გარდაიცვალა. სერჟანტის ცხედარი უკვე გადმოსვენებულია.

ლავროსი ივანიაძე საქართველოს შეარაღებულ ძალებში 2005 წლიდან მსახურობს. 2007-2008 წლებში სამშვიდობო მისიით ის ერაყშიც იმყოფებოდა.

ავღანეთში მიმდინარე IშAF-ის სამშვიდობო მისიაში 2009 წლიდან 7 ქართველი სამხედრო მოსამსახურე დაიღუპა.