ბათუმის ტელეკომპანია TV 25 საკაბელო მაუწყებლობიდან გათიშეს, ამის შესახებ "ინტერპრესნიუსს" არხის აღმასრულებელმა დირექტორმა, მერაბ მერკვილაძემ განუცხადა.
მერკვილაძის განცხადებით, არხის გათიშვა გუშინ დილით, ყოველგვარი გაფრთხილების გარეშე მოხდა. არხის აღმასრულებელი დირექტორის განცხადებით, საკაბელო არხის ხელმძღვანელობა მათ სატელეფონო ზარებსაც არ პასუხობს, საკაბელო კომპანიაში მისვლის შემდეგ კი, მისი თანამშრომლები ტელევიზიის გათიშვის ზუსტ მიზეზებსაც ვერ აკონკრეტებენ.
მერაბ მერკვილაძის განცხადებით, ტელევიზიას მსგავსი პრობლემა 2006 წელსაც შეექმნა. არხის აღმასრულებელი დირექტორი ეჭვობს, რომ გათიშვის მიზეზი შესაძლოა, ტელეკომპანიის მიერ 26 მაისს გავრცელებული კადრები გახდა. ამ კადრებში ესკორტი სხვა რაკურსით ჩანს.