საქართველოს საგარეო საქმეთა მინისტრმა გრიგოლ ვაშაძემ დღეს საქართველოში პაკისტანის ისლამური რესპუბლიკის ელჩ აბდულ ჰამიდთან გამოსამშვიდობებელი შეხვედრა გამართა.

საგარეო საქმეთა სამინისტროს ინფორმაციით, ელჩმა საქართველოში დიპლომატიური საქმიანობა დაასრულა.

შეხვედრის დროს განიხილეს საქართველოსა და პაკისტანის ისლამურ რესპუბლიკას შორის თანამშრომლობის საკითხები და ურთიერთობების შემდგომი გაღრმავების პერსპექტივები.

საქართველოს საგარეო საქმეთა მინისტრმა დადებითად შეაფასა აბდულ ჰამიდის მოღვაწეობა საქართველოში პაკისტანის ისლამური რესპუბლიკის ელჩის პოსტზე და მას შემდგომი წარმატებები უსურვა.