ჩინეთის ხელისუფლებამ ტიბეტის ნახვის დროებითი აკრძალვის შესახებ გადაწყვეტილება მიიღო.

დასავლური მედიის ცნობით, ამის მიზეზი "კომუნისტური პარტიის" დაარსების 90 წლის იუბილე და ჩინეთის მიერ ტიბეტის ანექსიის მე-60 წელი გახდა. პეკინი შიშობს, რომ სადღესასწაულო ღონისძიებები ანტიჩინური გამოსვლების ფონზე ჩაივლის, რომელსაც ადგილობრივი სეპარატისტები გამართავენ.

ტიბეტის დათვალიერება არა მხოლოდ ტურისტებისთვის იქნება აკრძალული. შეზღუდვები ყველა უცხო ქვეყნის მოქალაქეზე გავრცელდება. მათ შორის მეცნიერებზე, პოლიტოლოგებზე და ამ რეგიონის შესწავლის კუთხით სპეციალიზირებულ ადამიანებზე. აკრძალვა ივლისის ბოლომდე გაგრძელდება.