"ალია" და "რეზონანსი" გიორგი აბდალაძის მოწოდებას გამოეხმაურნენ
გაზეთები "ალია" და "რეზონანსი" დაკავებული ფოტორეპორტიორის, გიორგი აბდალაძის გუშინდელ მიმართვას გამოეხმაურნენ.
აბდალაძის მოწოდების შესაბამისად, ამ გაზეთებში დაბეჭდილ სახელმწიფო მოხელეთა ფოტოებს ადევთ შავი კუბი წარწერით - "აქ უნდა იყოს ფოტო, მაგრამ ფოტორეპორტიორები დაჭერილები არიან". 
ასეთი წარწერა "რეზონანსს" გაზეთის პირველ გვერდზე აქვს გაკეთებული, "ალიამ" კი, იგივე გადაწყვეტილება მიიღო გაზეთის ყველა გვერდთან დაკავშირებით.
11 ივლისს, "ალია ჰოლდინგმა" მედიასაშუალებებისა და ჟურნალისტებისადმი დაკავებული ფოტორეპორტიორის, გიორგი აბდალაძის მიმართვა გაავრცელა, რომელშიც აბდალაძე მათ მხარდაჭერისთვის მადლობას უხდის.
"
მე ადვოკატებისა და რადიოს საშუალებით ვიგებ ამის შესახებ და ეს ბრძოლის ძალას მმატებს. კიდევ ერთხელ ვაფიქსირებ, რომ მე არ დავნებდები ამ უკანონობას!
მივმართავ ყველა ფოტორეპორტიორს და ყველა გამოცემას საქართველოსა და უცხოეთში, რომელსაც სჯერა ჩვენი უდანაშაულობის. სახელმწიფო მაღალი რანგის ჩინოვნიკების ფოტოებს სახეზე დაადეთ შავი კუბი, წარწერით "აქ უნდა იყოს ფოტო, მაგრამ ფოტორეპორტიორები დაჭერილები არიან", _ ამბობს აბდალაძე მიმართვაში.
