ერთიანი ეროვნული გამოცდები ისტორიის გამოცდით გრძელდება. აბიტურიენტები მთელი საქართველოს მასშტაბით 12 ქალაქის 15 საგამოცდო ცენტრში გამოცდას ისტორიაში აბარებენ.

როგორც "ინტერპრესნიუსს~ გამოცდების ეროვნული ცენტრის საზოგადეობრივ-მეცნიერებათა ჯგუფის ხელმძღვანელმა მანანა ჯავახიშვილმა განუცხადა, ისტორიის საგამოცდო ტესტები მოიცავს სასწვალო გეგმით გათვალისწინებულ პროგრამას საქართველოს ისტორიასა და მსოფლიო ისტორიაში.

მისივე თქმით, ტესტებში ძირითადად გამოყენებულია მე-11, მე-12 კლასის პროგრამა. ტესტებში არის როგორც არჩევით ბოლოიანი დავალებები (4 სავარაუდო პასუხი), ის ღია ბოლოიანი დავალებები (აბიტურიენტებს უწევთ მსჯელობა).

ისტორიის გამოცდაზე მაქსიმალური ქულაა 80. აბიტურიენტმა მინიმალური ზრღვარის გადასალახად 21 ქულა უნდა დააგროვოს. გამოცდის ხანგრძლივობა 2 საათი და 30 წუთია.