მთავარი პროკურატურა შუამდგომლობით მიმართავს თბილისის საქალაქო სასამართლოს დაკავებულ ფოტორეპორტიორების საქმეზე, სისხლის სამართლის საქმეზე არსებითი განხილვის გარეშე განაჩენის გამოტანის თაობაზე.

შუამდგომლობის თანახმად, პროკურატურა ითხოვს, რომ ზურაბ ქურციკიძეს 3 წლით, გიორგი აბდალაძესა და ირაკლი გედენიძეს 4-4 წლით, ხოლო ნათია გედენიძეს 1,6 წლით თავისუფლების პირობითად აღკვეთა შეეფარდოს.

შუამდგომლობის ტექსტს, რომელიც პროკურატურის ვებგვერდზე გამოქვეყნდა, "ინტერპრესნიუსი" უცვლელად გთავაზობთ:

"ვშუამდგომლობ: დაამტკიცოთ ზურაბ ქურციკიძესთან, გიორგი აბდალაძესთან, ირაკლი გედენიძესთან და ნათელა გედენიძესთან მათი ინტერესების დამცველი ადვოკატების მეშვეობით 2011 წლის "22" ივლისს დადებული საპროცესო შეთანხმება; 2. საქმის არსებითი განხილვის გარეშე გამოიტანოთ განაჩენი სისხლის სამართლის №081210711001 საქმეზე, დანაშაული გათვალისწინებული საქართველოს სსკ-ის 314-ე მუხლის პირველი ნაწილით.

ბრალდებული ზურაბ შოთას ძე ქურციკიძე (დაბ. 1973 წლის 01 იანვარს, პ/ნ 01013025931) ცნობილი იქნეს დამნაშავედ საქართველოს სსკ-ის 314-ე მუხლის პირველი ნაწილით გათვალისწინებული დანაშაულის ჩადენისათვის და ძირითადი სასჯელის სახედ და ზომად საქართველოს სსკ-ის 55-ე მუხლის გამოყენებით განესაზღვროს თავისუფლების აღკვეთა 2 (ორი) წლის ვადით, რაც საქართველოს სსკ-ის 63-64-ე მუხლების საფუძველზე ჩაეთვალოს პირობითად, 3 წლის გამოსაცდელი ვადით.

ბრალდებული გიორგი რამაზის ძე აბდალაძე (დაბ. 1972 წლის 09 აგვისტოს, პ/ნ 60001052817) ცნობილი იქნეს დამნაშავედ საქართველოს სსკ-ის 314-ე მუხლის პირველი ნაწილით გათვალისწინებული დანაშაულის ჩადენისათვის და ძირითადი სასჯელის სახედ და ზომად საქართველოს სსკ-ის 55-ე მუხლის გამოყენებით განესაზღვროს თავისუფლების აღკვეთა 3 (სამი) წლის ვადით, რაც საქართველოს სსკ-ის 63-64-ე მუხლების საფუძველზე ჩაეთვალოს პირობითად, 4 წლის გამოსაცდელი ვადით.

ბრალდებული ირაკლი გიორგის ძე გედენიძე (დაბ. 1973 წლის 05 დეკემბერს, პ/ნ 01010009743) ცნობილი იქნეს დამნაშავედ საქართველოს სსკ-ის 314-ე მუხლის პირველი ნაწილით გათვალისწინებული დანაშაულის ჩადენისათვის და ძირითადი სასჯელის სახედ და ზომად საქართველოს სსკ-ის 55-ე მუხლის გამოყენებით, განესაზღვროს თავისუფლების აღკვეთა 3 (სამი) წლის ვადით, რაც საქართველოს სსკ-ის 63-64-ე მუხლების საფუძველზე ჩაეთვალოს პირობითად, 4 წლის გამოსაცდელი ვადით.

ბრალდებული ნათელა ვასილის ასული გედენიძე (დაბ. 1978 წლის 10 სექტემბერს, პ/ნ 01016000228) ცნობილი იქნეს დამნაშავედ საქართველოს სსკ-ის 25, 314-ე მუხლის პირველი ნაწილით გათვალისწინებული დანაშაულის ჩადენისათვის და ძირითადი სასჯელის სახედ და ზომად საქართველოს სსკ-ის 55-ე მუხლის გამოყენებით განესაზღვროს თავისუფლების აღკვეთა 6 (ექვსი) თვის ვადით, რაც საქართველოს სსკ-ის 63-64-ე მუხლების საფუძველზე ჩაეთვალოს პირობითად, 1 წლის და 6 თვის გამოსაცდელი ვადით"

შუამდგომლობას ხელს აწერს საქართველოს მთავარი პროკურატურის შინაგან საქმეთა სამინისტროს საზოგადოებრივი უსაფრთხოების სამსახურებში,

გამოძიების საპროცესო ხელმძღვანელობის სამმართველოს უფროსი რ.გრიგალაშვილი, ბრალდებული: ზ.ქურციკიძე

ადვოკატი კ.ყავლაშვილი

ბრალდებული: გ.აბდალაძე

ადვოკატი მ.ქამადაძე

ბრალდებული ი.გედენიძე

ადვოკატი ც.ცანავა

ბრალდებული ნ.გედენიძე

ადვოკატი ც.ცანავა