პლანეტა მარსსა და დედამიწას შორის დაშორება დღეს, 12:51 საათიდან მხოლოდ 55 მილიონი კილომეტრი იქნება, რაც მანამდე 56-დან 101 მილიონამდე კილომეტრ მანძილს შეადგენდა. იტალიელი მეცნიერების განცხადებით, მსგავსი მოვლენა 60 ათას წელიწადში ერთხელ ფიქსირდება.

მათი ინფორმაციით, უკვე შესაძლებელია იმის შემჩნევა, რომ წითელი პლანეტა გაცილებით მეტი სიკაშკაშით გამოირჩევა, ვიდრე მანამდე. უახლოესი რამდენიმე კვირის განმავლობაში მზე მარსს გაცილებით მკვეთრად გაანათებს.

ნეაპოლის უნივერსიტეტის ექსპერტის ალდო ვიტალიანოს განცხადებით, ბოლოს მარსი ასე ახლოს დედამიწას ჩვენს წელთ აღრიცხვამდე 57617 წლის 12 სექტემბერს მოუახლოვდა.

წითელი პლანეტა მთვარეზე ორჯერ დიდია, მაგრამ დედამიწიდან მასზე 145-ჯერ შორს იმყოფება.