ტყიბულის რაიონის სოფელ საწილეში რამდენიმე თვის წინ დაკარგული 21 წლის ნიკოლოზ აშოთიას გვამი იპოვეს.

ნიკოლოზ აშოთია მაისში სახლიდან გავიდა და აღარ დაბრუნებულა. მას თან სანადირო თოფი და მობილური ჰქონდა. ამ ხნის განმავლობაში ის დაკარგულად ითვლებოდა.

თანასოფლელი მამაკაცი გუშინ მის გახრწნილ გვამს შემთხვევით, სოფლის ტყეში წააწყდა. სანადირო თოფიც და მობილურიც გვამთან ერთად აღმოჩნდა.

შემთხვევის ადგილზე უკვე იმყოფებოდნენ საპატრულო პოლიციისა და კრიმინალისტიკური სამსახურის წარმომადგენლები. მიმდინარეობს გამოძიება.