"ვაჟაობის" დღესასწაულზე სოფელ ჩარგალში ვაჟა-ფშაველას სახლ-მუზეუმთან მისასვლელი 3 კმ-იანი გზა გაიხსნება. გზის სარეაბილიტაციო სამუშაოები რეგიონული განვითარებისა და ინფრასტრუქტურის სამინისტრომ განახორციელა. დაიგო ასფალტ-ბეტონის საფარი, მოეწყო ხელოვნური ნაგებობები. გზა მოინიშნა და დაიხაზა, დამონტაჟდა უსაფრთხოების ჯებირები და საგზაო ნიშნები.

რეგიონული განვითარებისა და ინფრასტრუქტურის სამინისტროს, კულტურისა და ძეგლთა დაცვის სამინისტროსა და დუშეთის მუნიციპალიტეტის გამგეობის ორგანიზებით, სოფელ ჩარგალში სახალხო დღესასწაული "ვაჟაობა" 24 სექტემბერს გაიმართება.

ვაჟა-ფშაველას დაბადებიდან 150 წლის აღსანიშნავი ღონისძიებები სახლ-მუზეუმში 12:00 საათზე დაიწყება. მთელი დღის განმავლობაში ჩარგალში სპორტული და კულტურული ღონისძიებები გაიმართება, მოეწყობა ქართული ჭიდაობა, დოღი. "ვაჟაობა" ანსამბლ "რუსთავის" გალა-კონერტით დასრულდება.