იუსტიციის სამინისტროს სასწავლო ცენტრში აღსრულების ეროვნული ბიუროს სტაჟიორთა შესარჩევი კონკურსის პირველი ეტაპი სრულდება.

როგორც "ინტერპრესნიუსს" იუსტიციის სამინისტროდან აცნობეს, ცხრაასამდე კანდიდატი ზოგად უნარ-ჩვევებში ტესტირებულ გამოცდას აბარებს.

სტაჟირების მსურველებს, რომლებიც პირველ გამოცდას წარმატებით გაართმევენ თავს, გასაუბრება ჩაუტარდებათ. 150 კანდიდატი იუსტიციის სასწავლო ცენტრში ტრენინგს გაივლის, მათგან 120 პირი კი აღსრულების ეროვნულ ბიუროში საჟიორად დასაქმდება და მისი თვიური ხელფასი 450 ლარამდე იქნება.

სამინისტროს ცნობით, სტაჟირების სისტემა იუსტიციის სამინისტროს ერთიანი HR-პოლიტიკის შემადგენელი ნაწილია, რაც მიზნად ისახავს სამინისტროსა და მის უწყებებში პროფესიონალი კადრების ღია კონკურსის წესით შერჩევას.