თბილისის მერიამ სამარშრუტო კომპანიები დააჯარიმა

ტენდერის პირობების დარღვევისთვის თბილისის მერიამ კომპანიები "თბილლაინი", "ფაბლიკი", "კაპიტალ გრუპი" და "თბილ ქარი" დააჯარიმა.

თბილისის მერიის ტრანსპორტის საქალაქო სამსახურის უფროსის აკაკი ჯოხაძის განცხადებით, კომპანიებს თბილისში სამარშუტო ხაზებზე 15 იანვარმდე 3068 ახალი მიკროავტობუსი უნდა შემოეყვანათ, თუმცა, პირობა ბოლომდე ჯერ ვერ შესრულდა და თბილისის ქუჩებში სამარშუტო ხაზებზე ყველა მიკროავტობული ‚ფორდის" მარკის და ყვითელი არ არის.

ჯოხაძის ინფორმაციით, კომპანიებს ჯარიმა დაეკისრათ და დამატებითი დრო მიეცათ კონტაქტის ბოლომდე შესრულებისთვის.

როგორც თბილისის მერიაში აცხადებენ, თუ დამატებით დროშიც აღნიშნული კომპანიები პირობებს ვერ შეასრულებენ, საკითხი კანონის სრული დაცვით მოწესრიგდება.

აკაკი ჯოხაძის ინფორმაციით, "თბილლაინმა" გლდანი-ნაძალადევის ლოტის მიხედვით მიკროავტობუსები ვაკე-საბურთაოსა და გლდანი-ნაძალადევის რაიონებში შეიყვანა; "ფაბლიკ"-მა ისანი-სამგორში; "კაპიტალ გრუპმა" ძველი თბილისის რაიონში და "თბილ ქარმა" დიდუბე-ჩუღურეთში.

ტენდერში გამარჯვებული კომპანიების მხრიდან კონტრაქტის შეუსრულებლობის შესახებ ბრიფინგი დღეს თბილისის საკრებულოს დეპუტატმა ჯაბა სამუშიამ გამართა, რომლის ინფორმაციით 15 იანვრამდე კომპანიებს თბილისის სამარშუტო ხაზებზე 3068 მიკრტოავტობუსი უნდა შემოეყვანა. მისი თქმით, კონტრაქტის დარღვევის გამო კომპანიებს ჯარიმის სახით 1 მილიონ 300 ათასი აშშ დოლარის გადახდა მოუწევთ.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან