საქართველოს პრეზიდენტი მიხეილ სააკაშვილი ლარსის სასაზღვრო-გამშვებ პუნქტზე რუსეთიდან საქართველოში შემოსულ სტუმრებს პირადად შეხვდა.

მიხეილ სააკაშვილმა რუსეთიდან შემოსულ მოქალაქეებთან საუბრისას აღნიშნა, რომ რუს ტურისტებს საქართველოში შემოსვლა უვიზოდ შეუძლიათ.

"ახლა ბევრი სასტუმრო შენდება, ბევრი რუსი ჩამოდის. რუსეთის ყველა მოქალაქეს, რომლებიც ტურისტული მიზნით, ან ბიზნესისთვის ჩამოდიან საქართველოში, მივესალმებით", - განაცხადა მიხეილ სააკაშვილმა.

რუსმა ტურისტებმა მიხეილ სააკაშვილთან ერთად სამახსოვრო ფოტოებიც გადაიღეს. მათ აღნიშნეს, რომ საქართველო ყველაზე დემოკრატიული ქვეყანაა და აქ ცხოვრება უკეთესი ხდება.