დღეს ლოტოს რიგით 239-ე გათამაშება გაიმართება, რომლის ჯეკპოტი 2 618 000 ლარზე მეტს შეადგენს. ლატარიის კომპანიის ინფორმაციით, დღესვე გათამაშდება "ნატვრის ხე".

ამასთან, ლოტოს 237 გათამაშებაში, 24 აპრილს გათამაშდა მეორე საპრიზო კატეგორია, 18 854 ლარის ოდენობით, რაც ორ გამარჯვებულზე - სამსონ ხუბუასა და კასპერ სიჭინავაზე გადანაწილდა.

ერთ-ერთი გამარჯვებული სამსონ ხუბუა პარასკევს, ხოლო მეორე გამარჯვებული კასპერ სიჭინავა დღეს დაჯილდოვდა.

პარასკევს ლოტოს რიგით 238 გათამაშებაში გამოვლინდა ახალი "ჰიუნდაი აქცენტის" მფლობელი აზა ლეჟავა. აზა ლეჟავა ისტორიის მასწავლებელია.

გამარჯვებული თავის კოლეგასთან ერთად მივიდა სერვის ცენტრში, სადაც გადასცეს კუთვნილი ავტომანქანის გასაღები.