საქართველოს პრეზიდენტმა მიხეილ სააკაშვილმა ლილოს დასახლებაში ყველის დამამზადებელი საწარმო "ჩისკო" დაათვალიერა. მიხეილ სააკაშვილი საწარმოში დასაქმებულებს გაესაუბრა.

მიხეილ სააკაშვილის განცხადებით, თბილისის გარეუბნებში ახალი საწარმოების შექმნა უმუშევრობას შეამცირებს.

"ჩვენი ყველი უნდა გადიოდეს ქსპორტზე. საფრანგეთს თუ გააქვს, ჰოლანდიას თუ გააქვს, ჩვენ რატომ არ უნდა გაგვქონდეს?", - განაცხადა მიხეილ სააკაშვილმა.

მისივე თქმით, თბილისში ყველაზე მიტოვებული ყოველთვის გარეუბნები იყო. პრეზიდენტის განცხადებით, გარეუბნებში მსგავსი 30 საწარმოს შექმნა დასაქმების მხრივ არსებულ სურათს მთლიანად შეცვლის.

ავსტრიულ-ქართული ინვესტიციით შექმნილი საწარმო "ჩისკო" ათი სახეობის ქართულ ყველს აწარმოებს. საწარმო უახლესი ტექნოლოგიებით არის აღჭურვილი.

საწარმოში 700-მდე ადამიანია დასაქმებული.