პარტია "მომავალი საქართველოს" ლიდერი გიორგი ლაღიძე დღეს, თავისუფლების მოედანზე, პუშკინის ბაღში კოოპერატიული ბინათმშენებლობის წარმომადგენლებს და ე.წ. ატსტუპნიკებს შეხვდა.

გიორგი ლაღიძემ მათ პარტიის წინასაარჩევნო პროგრამა გააცნო.

"ატსტუპნიკებს" ფართების დაკანონების პრობლემა აწუხებთ. ისინი თვეების განმავლობაში მართავენ აქციებს ფართების დაკანონების მოთხოვნით, მაგრამ ხელისუფლება მათ ყურადღებას არ აქცევს",-აღნიშნა ლაღიძემ.

"ატსტუპნიკებმა" გიორგი ლაღიძეს მხარდაჭერა აღუთქეს და განაცხადეს, რომ ისინი აუცილებლად მივლენ არჩევნებზე და შემოხაზავენ #35 და მისცემენ პარტია "მომავალ საქართველოს" ხმას.

გიორგი ლაღიძე თავის მხრივ "ატსტუპნიკებს" და კოოპერატიული ბინათმშენებლობის წარმომდგენლებს ბოლომდე მხარდაჭერას და თანადგომას დაჰპირდა.