ჯანდაცვის ევროკომისარი ჯონ დალი, რომელიც კორუფციული სკანდალის გამო თანამდებობიდან გადადგა, აცხადებს, რომ გადადგომა ევროკომისიის თავკაცმა ჟოზე მანუელ ბაროზომ აიძულა.

დალის საღეჭი თამბაქოს მწარმოებელი შვედური კომპანია Swedish Match-ი არალეგალური ფინანსური გარიგების დადების მცდელობაში სდებს ბრალს.

მალტელი ჩინოვნიკი, რომელიც რამდენიმე წლის წინ, მალტაში ფინანსთა მინისტრად მუშაობდა, აღნიშნულ ბრალდებას უარყოფს. თუმცა, საკუთარი რეპუტაციის გადარჩენის მიზნით, მან თანამდებობა დატოვა.

თუმცა მოგვიანებით დალიმ განაცხადა, რომ პოსტიდან წასვლა სინამდვილეში მას ევროკომისიის თავკაცმა ჟოზე მანუელ ბაროზომ აიძულა. მისივე თქმით, ბაროზოს არ სურდა ამ საქმის გამო ევროკომისიის რეპუტაცია შელახულიყო და კიდევ ერთხელ განმეორებულიყო ჟაკ სანტერისდროინდელი ინციდენტი.

შეგახსენებთ, 1999 წელს ევროკომისიის მთლიანი შემადგენლობა, ჟაკ სანტერის ხელმძღვანელობით, იძულებული გახდა გადამდგარიყო. მიზეზი მაშინაც კორუფციული სკანდალი იყო.