აფხაზეთის ავტონომიური რესპუბლიკის მთავრობის თავმჯდომარის, გიორგი ბარამიას ინიციატივით, იმერეთის რეგიონში მცხოვრებ დევნილ ბავშვებს საჩუქრები გადაეცათ.  

როგორც "ინტერპრესნიუსს" უწყებიდან აცნობეს, აფხაზეთის მთავრობის წარმომადგენლებმა საჩუქრები კოპიტნარის დევნილთა კომპაქტურად ჩასახლების ობიექტში მცხოვრებ 200 ბავშვს მიუტანეს.

საქველმოქმედო აქცია ფონდი "კეთილი სამარინელი საქართველოში" მხარდაჭერით ხორციელდება.

აფხაზეთის ავტონომიური რესპუბლიკის მთავრობის ორგანიზებით საჩუქრები მთელი საქართველოს მასშტაბით დარიგდება.