საპარლამენტო უმცირესობის წევრ ირმა ნადირაშვილის და, ნათია ნადირაშვილი, რომელიც რუსთავის საკრებულოს წევრი და ქვემო ქართლის სოციალური მომსახურების სააგენტოს ხელმძრვანელია, ნახევარ საათზე მეტია, რაც ქვემო ქართლის საოლქო პროკურატურაში დაკითხვაზე იმყოფება.

ქვემო ქართლის სამხარეო პროკურატურასთან შეკრებილები არიან ნათია ნადირაშვილის მეგობრები და ოჯახის წევრები. ასევე იქ იმყოფებიან რუსთავის საკრებულოს წევრები და "ერთიანი ნაციონალური მოძრაობის" წარმომადგენლები.

როგორც "ინტერპრესნიუსთან" საუბარში ქვემო ქართლის გუბერნატორის მოადგილე მამუკა ჩიქოვანმა განაცხადა, პროკურატურაში ნათია ნადირაშვილის დაბარების ფაქტი მეტყველებს იმაზე, რომ ამ გზით ხელისუფლებას უნდა ირმა ნადირაშვილზე ზეწოლა განახორციელოს.

"ვერც ოჯახის წევრებს და ვერც "ნაციოონალურ მოძრაობას" ვერ შეაშინებენ. ეს არ არის პირველი მაგალითი. რამდენადაც ვიცი, თავად ნათიას აძლევდნენ "მეგობრულ რჩევებს", რომ მის დას თავი შეეკავებინა მსგავსი პოლიტიკური აქტივობებისგან და დღევანდელი დღე არის მკაფიო გამოხატულება", - აღნიშნა ჩიქოვანმა.