ხმაური იყო დღეს დილიდან 161-ე საჯარო სკოლაში. როგორც "ინტერპრესნიუსისთვის" გახდა ცნობილი, ერთმანეთს V კლასის მოსწავლეთა მშობლები დაუპირისპირდნენ , რის შემდეგაც ერთ-ერთმა მშობელმა პატრული გამოიძახა.
არსებული ინფორმაციით, დაპირისპირების მიზეზი მშობლის მიერ შვილის კლასელის ცემა გახდა. ნაცემი ბავშვის მშობლების თქმით, ერთ-ერთი კლასელის დედამ მათ შვილს ფიზიკური შეურაცხყოფა მიაყენა. აღნიშნულის გამო დღეს დილით მშობლები ერთმანეთს დაუპირისპირდენენ პატრულიც გამოიძახეს. შემთხვევის ადგილზე იმყოფებოდნენ სკოლის ადმინისტრაციის წარმომადგენლებიც. მათი განცხადებით, ბოლო დროს მშობელი, რომლემაც ბავშვი სცემა, აგრესიული იყო.
ამ დროისათვის მშობლები პოლიციის განყოფილებაში დაკითხვაზე იმყოფებიან.
