"გალფმა" გათამაშების მთავარი პრიზები - ავტომობილების Range Rover Vogue-ს და Range Rover Evoque-ს გასაღები გამარჯვებულებს გიორგი პარასკევაშვილსა და ნოდარ კირკიტაძეს გადასცა.

"გალფის" ოთხთვიანი პროექტი - წამახალისებელი გათამაშება "2013 პრიზი გალფისგან" დასრულდა. მთავარი პრიზები 31 მარტს, 21:00 საათზე, ტელეკომპანია "იმედის" პირდაპირ ეთერში გათამაშდა.

გამარჯვებულები არიან გიორგი პარასკევაშვილი (თბილისი), რომელმაც სულ რაღაც სამი ბილეთით მიიღო მანაწილეობა გათამაშებაში და ნოდარ კირკიტაძე (ბათუმი). იღბლიან გამარჯვებულებს Range Rover Vogue-ს და Range Rover Evoque-ს დღეს, სანაპიროზე მდებარე "გალფის" ავტოგასამართ სადგურზე კომპანიის ვიცე პრეზიდენტმა, ისრაელის მენეჯმენტის გუნდის წევრი იორამ ქოენი გადასცა. იქვე დაჯილდოებისადმი მიძღვნილი  ცერემონიალი გაიმართა.

მომენტალური გათამაშება "2013 პრიზი გალფისგან", რომელიც კომპანიამ 1-ელ დეკემბერს დაიწყო, ოთხი თვე მიმდინარეობდა და საბოლოო გათამაშებისთვის ლოტოტრონში 1 000 000-მდე ბილეთმა მოიყარა თავი.

გუშინ "გალფის" ოფისში, გათამაშების კიდევ ერთი გამარჯვებული დაჯილდოვდა, რომელსაც გადაეცა მოგებული პრიზი - ორკაციანი საგზური რომში.

პროექტის ფარგლებში, მომხმარებელს ბილეთის გადაფხეკისთანავე ჰქონდა შანსი, მოეგო 2013 პრიზიდან ერთ-ერთი.

გათამაშებულ პრიზებს შორის ავტომობილების გარდა იყო: მოგზაურობა რომში (საგზური ორ პერსონაზე), მოგზაურობა პარიზში (საგზური ორ პერსონაზე), ტელევიზორი (10 ცალი); iPhone 5 (10 ცალი); iPad 3 (10 ცალი); ლეპტოპი (10 ცალი); კონდენციონერი (10 ცალი); სამზარეულო ტექნიკა (39 ცალი); Ici Paris  200 ლარიანი სასაჩუქრე ვაუჩერი (20 ცალი); Ici Paris 100 ლარიანი სასაჩუქრე ვაუჩერი (20 ცალი); M-Group-ის 100 ლარიანი სასაჩუქრე ვაუჩერი (10 ცალი); Nike sports-ის 100 ლარიანი სასაჩუქრე ვაუჩერი (10 ცალი); Adidas sports-ის 100 ლარიანი სასაჩუქრე ვაუჩერი (10 ცალი); Banana Republic-ის 100 ლარიანი სასაჩუქრე ვაუჩერი (10 ცალი); GAP-ის 100 ლარიანი სასაჩუქრე ვაუჩერი (10 ცალი); Goodwill-ის 100 ლარიანი სასაჩუქრე ვაუჩერი (10 ცალი); Carrefour-ის 100 ლარიანი სასაჩუქრე ვაუჩერი (10 ცალი); 800 ბიგმაკ მენიუ McDonalds-ისგან; 10 ლიტრი საწვავი (1000 ცალი).

აღსანიშნავია, რომ ეს "გალფის" უკვე მეორე მასშტაბური გათამაშება იყო. შარშან კომპანიამ "ასტონ მარტინი" გაათამაშა.