ჯანდაცვის სამინისტრო, სოციალური მომსახურების სააგენტო და UNICEF დღეს მემორანდუმს გააფორმებენ
ჯანდაცვის სამინისტრო, სოციალური მომსახურების სააგენტო და UNICEF დღეს ურთიერთგაგების მემორანდუმს მოაწერენ ხელს. როგორც "ინტერპრესნიუსს" ჯანდაცვის სამინისტროდან აცნობეს, "მიზნობრივი სოციალური დახმარების პროგრამის დახვეწისა და სოციალური დაცვის სისტემის მეტად ბავშვზე ორიენტაციის შესახებ" მემორანდუმის ფარგლებში, სამინისტრო მემორანდუმის ხელმომწერ მხარეებთან ერთად, კვლევის შედეგად, უზრუნველყოფს მიზნობრივი სოციალური დახმარების პროგრამის გადახედვას და დახვეწას, რაც საშუალებას მოგვცემს, ქულების მინიჭების ფორმულამ, უფრო ობიექტურად შეაფასოს სოციალურად დაუცველი ოჯახების მდგომარეობა.
სამუშაოების დამთავრების შემდეგ, იდენტიფიცირებული ახალი მეთეოდოლოგია წარედგინება საქართველოს მთავრობას დასამტკიცებლად. საჭიროების შემთხვევაში საქართველოს კანონმდებლობაში განხორციელდება შესაბამისი ცვლილება.
დოკუმენტს ხელს მოაწერენ ჯანდაცვის მინისტრი, დავით სერგეენკო, სოციალური მომსახურების სააგენტოს ხელმძღვანელი, ნოე ქინქლაძე და UNICEF-ის წარმომადგენელი საქართველში, საშა გრაუმანი.
