"ჩემი ოჯახის კლინიკა" ძუძუს კიბოს პრევენციის კამპანიის დაწყებასთან დაკავშირებით ქუთაისში უფასო სამედიცინო კონსულტაციებს ატარებს.

როგორც "ინტერპრესნიუსს" "ჩემი ოჯახის კლინიკიდან" აცნობეს, დღეს, 11:00-დან 16:00 საათამდე ქუთაისის წმინდა ნიკოლოზის სახელობის ქირურგიულ–ონკოლოგიურ ცენტრში მისულ პაციენტებს მაღალკვალიფიციური მედპერსონალი მოემსახურება, უფასოდ ჩაუტარდებათ ექიმის კონსულტაცია და საჭიროებისამებრ ექოსკოპია.

ქუთაისის წმინდა ნიკოლოზის ქირურგიულ–ონკოლოგიური ცენტრი არის ეთადერთი სპეციალიზირებული ონკოლოგიური დაწესებულება დასავლეთ საქართველოში, სადაც ფუნქციონირებს შესაბამისი მორფოლოგიური ლაბორატორია თანამედროვე მორფოლოგიური გამოკვლევებით.