სოფელ დიცში, 13 ოქტომბერს, საქართველოს ტერიტორიული მთლიანობის მხარდამჭერი აქცია გაიმართება .

მშვიდობიანი აქციის ორგანიზატორები არიან "საქართველოს სტუდენტთა უფლებების ლიგის" წარმომადგენლები და ფონდი "საქართველოს საქმიანი ქალები- ქველმოქმედებისთვის" თავმჯდომარე თამთა დემურიშვილი.

აქციის მონაწილეებს პარლამენტის დეპუტატი სოსო ვახტანგიშვილი, გორის ადგილობრივი თვითმმართველობა და სუხიშვილების უნივერსიტეტი შეუერთდება.

აქციის ფარგლებში, თამთა დემურიშვილის დახმარებით ექიმები (ყველა პროფილის პედიატრი) მოახდენენ ადგილობრივი მოსახლეობის უფასო სამედიცინო გასინჯვებს და საჭიროების მიხედვით მედიკამენტებსაც გადასცემენ.

სტუდენტები საოკუპაცო ზოლთან მშვიდობიან აქციას გამართავენ, მოსახლეობას შეხვდებიან და მათ პრობლემებს მოისმენენ.