პრეზიდენტობის კანდიდატმა შალვა ნათელაშვილმა საკუთარი არჩევანი უკვე დააფიქსირა. "ლეიბორისტული პარტიის" ლიდერი საბურთალოს #48 უბანზე ოჯახთან ერთად იმყოფებოდა.

როგორც შალვა ნათელაშვილმა ხმის მიცემის შემდეგ ჟურნალისტებს განუცხადა, არჩევანი საქართველოზე გააკეთა.

"არჩევანი გავაკეთე საქართველოზე, ჩვენს სამშობლოზე. 21-ე საუკუნეში ჩვენ შეიძლება ამაზე დიდი საქმე არ გვქონდეს. ამიტომ, ყველას გთხოვთ, გადადოთ საქმე და გამოცხადდეთ არჩევნებზე. დღეს წყდება ბედი ქართლისა და დარწმუნებული ვარ, ეს ბედი ჩვენი შვილების სასარგებლოდ გადაწყდება", - განაცხადა ნათელაშვილმა.