თბილისის მერია ყინულის მოედნის მოსაწყობად 112 000 ლარის დახარჯვას გეგმავს. ყინულის მოედნის მოსაწყობად შესაბამისი ტენდერი მერიამ უკვე გამოაცხადა. მოედანი გლდანში, ვარდების რევოლუციის პარკში ახალი წლისთვის დამონტაჟდება.

კონკურენციისა და სხელმწიფო შესყიდვების სააგენტოს ვებგვერდზე გამოცხადებული სატენდერო განცხადების მიხედვით ყინულის მოედნის მონტაჟი 2013 წლის 25 დეკემბერამდე უნდა განხორციელდეს, ექსპლუატაცია – 2013 წლის 25 დეკემბრიდან 2014 წლის 10 თებერვლამდე.

10 თებერვლიდან 28 თებერვლის ჩათვლით კი ყინულის მოედანი უნდა დაიშალოს და დასაწყობდეს.

სატენდერო წინადადებების მიღება 14 ნოემბერს დაიწყება და 19 ნოემბერს დასრულდება.