"ლელოს" სტუმარი მანუჩარ მაჩაიძე იქნება. 20 ნოემბერს, 15.00 საათზე, "მედია პალიტრაში", გაზეთ "ლელოს" სტუმარი იქნება 70-იანი წლების ერთ-ერთი ყველაზე გამორჩეული ფეხბურთელი, თბილისის "დინამოს" ლეგენდარული კაპიტანი, სსრ კავშირის ჩემპიონი (1978) და ვერცხლის (1977) მედალოსანი, ხუთგზის მესამე პრიზიორი, საკავშირო თასის ორგზის (1976, 1979) გამარჯვებული მანუჩარ მაჩაიძე.
მანუჩარ მაჩაიძემ სსრ კავშირის ნაკრებში ჩაატარა 4 მატჩი, ოლიმპიურ ნაკრებში - 3, ევროპის ჩემპიონატისა და ოლიმპიური შესარჩევი ტურნირის მონაწილე, "33 საუკეთესოთა" სამეულში ორ-ორჯერ პირველ და მეორე ნომრად იყო დასახელებული. 1995-1999 წლებში იყო პარლამენტის წევრი, დაჯილდოვებულია ღირსების ორდენით, არის ”სპორტის რაინდი”, ტექნიკურ მეცნიერებათა დოქტორი.
ინტერვიუ მანუჩარ მაჩაიძესთან გამოქვეყნდება გაზეთ "ლელოში" ხუთშაბათს, 21 ნოემბერს, რუბრიკით - "ლელოს სტუმარი".