მოსკოვის პროსპექტზე, მდებარე მიუსაფართა თავშესაფარში ანტისანიტარია არ არის, - ამის შესახებ ჟურნალისტებს ჯანდაცვის სამინისტროს სოციალური დაცვის დეპარტამენტის თავმჯდომარემ, გია კაკაჩიამ განუცხადა.

მისი თქმით, მან თავად ჩაატარა თავშესაფარში შემოწმება.

"მე თავად ჩავატარე შემოწმება დღეს დილით და დავრწმუნდი, რომ აქ არანაირი ანტისანიტარიის საშიშროება არ არის. ეს არის კარვების ტიპის დასახლება, მიუხედავად ამისა, აქ ანტისანიტარია არ არის. ასევე აღსანიშნავია, რომ უკვე შემუშავებულია ასეთი საცხოვრებელი ტიპის სტანდარტი, რომელიც მთავრობის სხდომაზე გავა", - განაცხადა გია კაკაჩიამ.

ამასთან, სახალხო დამცველი უჩა ნანუაშვილი და რეგიონული განვითარების მინისტრი დავით ნარმანია ამ წუთებში მიუსაფართა თავშესაფარში იმყოფებიან. ისინი თავშესაფრის მონიტორინგს განახორციელებენ.