პარტია "ქართული ოცნება –დემოკრატიული საქართველო" სოციალურ-დემოკრატიულ იდეოლოგიაზე იქნება დაფუძნებული და მისი ორგანიზაციული გაძლიერება იგეგმება. ამის შესახებ ენერგეტიკის მინისტრმა კახი კალაძემ "რუსთავი 2"-ის გადაცემა "პოზიციაში" განაცხადა.

"ძალიან რთული არჩევნები გველოდება წინ, მაგრამ "ქართული ოცნება" მნიშვნელოვან შედეგს დადებს ამ არჩევნებში. ჩვენ არ გვქონდა დრო, პარტიისთვის შესაბამისი ყურადღება მიგვექცია, მაგრამ გადაწყვეტილება იქნა მიღებული, რომ მნიშვნელოვან ყურადღებას მივანიჭებთ პარტია "ქართული ოცნება – დემოკრატიული საქართველოს" ორგანიზაციულად გაძლიერებას. პარტია იქნება სოციალურ-დემოკრატიულ იდეოლოგიაზე დაფუძნებული", - განაცხადა კალაძემ.