ქუთაისში საკრებულოს ფრაქცია "საქართველოს პატრიოტთა ალიანსი" ორ ფრაქციად დაიშალა. დღეს გამართულ ბრიფინგზე ალიანსის ერთ-ერთმა წევრმა , დეპუტატმა ტატო მესხმა განაცხადა, რომ ფრაქცია დაიშალა და მის ბაზაზე ორი ფრაქცია ჩამოყალიბდება.

"ამიერიდან, ფრაქცია "პატრიოტები" და ფრაქცია "პატრიოტთა ალიანსის" სახელით ვიქნებით ქუთაისის საკრებულოში წარმოდგენილი", - განაცხადა ტატო მესხმა. მისი თქმით, ფრაქცია "პატრიოტებში" თამაზ მარგველაშვილი, ზაურ ქორჩილავა და გოგიტა გეგელაშვილი, ხოლო "პატრიოტთა ალიანსში" კი თავად, კახა ნემსიწვერიძე და დავით ჯანაშია გაწევრიანდებიან.