ქუთაისი-ზესტაფონის საავტომობილო გზის მონაკვეთზე ტრაილერი ამობრუნდა, რის გამოც მოძრაობა შეფერხდა.როგორც "ინტერპრესნიუსს" მგზავრებმა აცნობეს, ზესტაფონიდან ქუთაისის მიმართულებით მანქანებს არ უშვებდნენ და საავტომობილო მოძრაობა მხოლოდ ბაღდათის გავლით იყო შესაძლებელი.

შინაგან საქმეთა სამინისტროს ინფორმაციით, ქუთაისი-ზესტაფონის საავტომობილო გზის მონაკვეთზე ტრაილერი გადატრიალდა, რომელიც მსუბუქ ავტომობილს შეეჯახა. უწყების ინფორმაციით, მსხვერპლი არ არის, მსუბუქი დაზიანება აქვს მიღებული მსუბუქი ავტომობილის მძღოლ ქალბატონს.

შსს-ს ცნობით, საავტომობილო გზა უკვე გახსნილია.