ქობულეთში, მუსლიმთა პანსიონთან ადგილობრივი მოსახლეობა აქციას მართავს. როგორც "ინტერპრესნიუსს" ადგილობრივმა თამაზ გოგიბერიძემ განუცხადა,ქრისტიანებით კომპაქტურად დასახლებულ უბანში მიზანშეწონილად არ მიაჩნია, მუსლიმური დაწესებულების არსებობა. მისივე თქმით, გასარკვევია, კანონმდებლობის ჩარჩოებში ჯდება თუ არა პანსიონის გახსნა.

"თუ ქართული სახელმწიფო მიიჩნევს, რომ ეს არის კანონიერი ქმედება, ანუ უფლება აქვს მიცემული განათლების სამინისტროს, გამგეობას რომ აქ გაიხსნას ეს დაწესებულება, ჩვენ ყველანი წავალთ აქედან", - აღნიშნა თამაზ გოგიბერიძემ.

ქობულეთში მუსლიმურ პასნიონთან იმყოფება სახალხო დამცველის წარმომადგენელი აჭარის რეგიონში გიორგი ჩარკვიანი, რომელიც საკითხს სწავლობს.

გუშინ, მუსლიმურ პანსიონთან უცნობმა პირებმა ღორი დაკლეს და ღორის თავი პასნიონის კარზე მიამაგრეს. ღორის თავი სასწავლებლის კარიდან უკვე ჩამოხსნილია.