თეა წულუკიანი გივი თარგამაძეს "კანონიერი ქურდების მამას" უწოდებს
იუსტიციის მინისტრი თეა წულუკიანი "ნაციონალური მოძრაობის" ერთ-ერთ ლიდერს გივი თარგამაძეს "კანონიერი ქურდების მამას" უწოდებს.
ამგვარად წულუკიანმა თარგამაძე გადაცემა "არჩევანში" იმ შეკითხვაზე საპასუხოდ მოიხსენია, რამდენად შეესაბამება სიმართლეს საქართველოს დღევანდელი ხელისუფლების მიერ ე.წ. კანონიერი ქურდების მფარველობის შესახებ გავრცელებული ინფორმაცია.
გადაცემის წამყვანმა შეკითხვა იმ კონტექსტში დასვა, რომ უკრაინიდან დეპორტირებული ე.წ. კანონიერი ქურდის, "რემენას" კვალი საქართველოში ჩამოსვლის შემდეგ გაუჩინარდა. "კანონიერი ქურდების მამა და სპეციალისტი ერთის მეტი მე არ ვიცი, ესაა გივი თარგამაძე", - განაცხადა წულუკიანმა.
იხილეთ ბმული: "კანონიერი ქურდების" "მამა" მე ვიცი ერთი: ეს არის გივი თარგამაძე - თეა წულუკიანი
