უკრაინის მინისტრთა კაბინეტმა საქართველოს შინაგან საქმეთა მინისტრის ყოფილი მოადგილე ეკატერინე ზღულაძე უკრაინის შინაგან საქმეთა მინისტრის პირველ მოადგილედ დაამტკიცა. ინფორმაცია ამის შესახებ უკრაინის სოციალური პოლიტიკის მინისტრმა პაველ როზენკომ "ფეისბუქით" გაავრცელა.
"ეს-ესაა მინისტრთა კაბინეტმა შინაგან საქმეთა მინისტრის პირველ მოადგილედ ეკა ზღულაძე დანიშნა. როგორც თავად ზღულაძემ თქვა, მისთვის ეს გაცნობიერებული არჩევანია და არა - ავანტიურა", - დაწერა უკრაინელმა მინისტრმა "ფეისბუქზე".
უკრაინის პრეზიდენტმა პეტრო პოროშენკომ ეკა ზღულაძეს უკრაინის მოქალაქის პასპორტი დღეს პირადად გადასცა.
ეკა ზღულაძე საქართველოს შინაგან საქმეთა მინისტრის მოადგილედ 2006 წელს, 26 წლის ასაკში დაინიშნა. ზღულაძე ამ პოსტზე 2012 წლის სექტემბრამდე მუშაობდა.