საყდრისის გადარჩენის კომიტეტის ორგანიზებით, დღეს, არქეოლოგები და ხელოვნებათმცოდნეები საყდრისში გაემგზავრებიან.

როგორც "ინტერპრესნიუსს" კომიტეტის წევრმა ირაკლი მამალაძემ განუცხადა, არქეოლოგები დაათვალიერებენ ობიექტს, რომელზეც სამუშაოები 24-საათიან რეჟიმში მიმდინარეობს.

მისი თქმით, ეროვნული მუზეუმის არქეოლოგები კიდევ ერთხელ გამოთქვამენ მზადყოფნას, რომ საყდრისი-ყაჩაღიანი შეისწავლონ. დღესვე, საყდრისის დაცვის კომიტეტი დააანონსებს მასშტაბურ აქციას საყდრისში მიმდინარე ოქროს მოპოვებითი სამუშაოების შეჩერების მოთხოვნით.