"გავგიჟდები კიდევ!", - ასე გამოეხმაურა ქართველი კინორეჟისორი ზაზა ურუშაძე მისი ფილმის, "მანდარინების" "ოსკარის" ნომინანტებს შორის დასახელებას.

"ვულოცავ ჩემს არაჩვეულებრივი ჯგუფის წევრებს. ვულოცავ ქართულ კინოს!", - დაწერა რეჟისორმა "ფეისბუქზე".

ზაზა ურუშაძის ფილმი "მანდარინები" ამერიკის კინოაკადემიის გადაწყვეტილებით, ოსკარის 87-ე დაჯილდოების ცერემონიაზე უცხოენოვანი ფილმის კატეგორიაში ნომინანტებს შორის დასახელდა. ფილმი ესტონეთმა წარადგინა.

ამავე კატეგორიაში დასახელდნენ "ლევიათანი" (რუსეთი), "იდა" (პოლონეთი), "ტიმბუქტუ" (მავრიტანია) და "ველური ზღაპრები" (არგენტინა).

"ოსკარის" დაჯილდოების 87-ე ცერემონია 22 თებერვალს დოლბის თეატრში გაიმართება.

იხილეთ ვიდეო: ზაზა ურუშაძის "მანდარინები" "ოსკარისთვის" იბრძოლებს!