საქართველოს პრემიერ-მინისტრი, ირაკლი ღარიბაშვილი საქართველოსა და ესტონეთს ოსკარზე" წარსადგენ ნომინანტთა შორის ფილმის "მანდარინები" დასახელებას ულოცავს.

"ვულოცავ საქართველოს! ვულოცავ ესტონეთს! ქართველი რეჟისორის, ზაზა ურუშაძის ფილმი "ოსკარზეა" ნომინირებული. "მანდარინები", ხუთ საუკეთესო უცხოენოვან ფილმს შორისაა. ყველას გილოცავთ!", - ნათქვამია ირაკლი ღარიბაშვილის მილოცვაში, რომელიც "ფეისბუქში", პრემიერის ოფიციალურ გვერდზე გამოქვეყნდა.

"ოსკარზე" წარსადგენ უცხოენოვანი ფილმების ნომინანტთა შორის ზაზა ურუშაძის "მანდარინები" დასახელდა. ფილმი "ოსკარის" 87-ე დაჯილდოების ცერემონიაზე ესტონეთის სახელით იქნება წარდგენილი.

უცხოენოვანი ფილმების ნომინაციაში ასევე დასახელდა "ლევიათანი" (რუსეთი), "იდა" (პოლონეთი), "ტიმბუქტუ" (მავრიტანია) და "ველური ზღაპრები" (არგენტინა).

"ოსკარით" დაჯილდოების ცერმონია 22 თებერვალს გაიმართება.