დასტურდება, რომ ზურაბ ვაზაგაშვილის საფლავი, სადაც იური ვაზაგაშვილი გარდაიცვალა, დანაღმული იყო, - ამის შესახებ ჟურნალისტებს უფლებადამცველმა ნანა კაკაბაძემ განუცხადა. მისი თქმით, არასწორი ინფორმაციები ვრცელდება, რომ იური ვაზაგაშვილმა თავი აიფეთქა.

"დასტურდება, რომ მისი შვილის საფლავი დანაღმული იყო. იური ვაზაგაშვილი იმყოფებოდა გასვენებაში, შემდეგ გადავიდა თავისი შვილის საფლავზე, დააწყო ყვავილები და შემდეგ აფეთქდა. არასწორი ინფორმაციები ვრცელდება, რომ იური ვაზაგაშვილმა თავი აიფეთქა", - განაცხადა ნანა კაკაბაძემ.

მისივე თქმით, საჭიროა, რომ გამოძიებამ დაადგინოს თუ ვინ დანაღმა საფლავი.