დამოუკიდებელი ექსპერტი - გამოძიებისთვის მთავარია დადგინდეს, თუ რა პირობებში მოხდა ვაზაგაშვილის საფლავზე აფეთქება

ამ ეტაპზე გამოძიებისთვის მთავარია დადგინდეს, თუ რა პირობებში მოხდა ვაზაგაშვილის საფლავზე აფეთქება, - განაცხადა დამოუკიდებელმა ექსპერტმა ზაზა ალთუნაშვილმა.

როგორც ჟურნალისტებთან საუბრისას იური ვაზაგაშვილის საქმესთან დაკავშირებით დამოუკიდებელმა ექსპერტმა ზაზა ალთუნაშვილმა განაცხადა, ამ ეტაპზე მიმდინარეობს ექსპერტიზა ასაფეთქებელ მოწყობილობაზე და წინასწარ საუბარი დეტალებზე არ იქნება მართებული.

ალთუნაშვილის თქმით, ამ ეტაპზე მხოლოდ იმის დადასტურება არის შესაძლებელი, რომ შემთხვევის ადგილზე დისტანციური მართვის თანმხლები მექანიზმი აღმოჩენილი არ არის. მისივე თქმით, ასაფეთქებელი მოწყობილობა ფიზიკური ზემოქმედების შედეგად მოვიდა მოქმედებაში.

ექსპერტმა ჟურნალისტების მიერ დასმულ კითხვაზე, თუ ვის მიუწვდება ხელი მსგავსი ტიპის ასაფეთქებელ მოწყობილობაზე, განაცხადა, რომ მისი შოვნა რთულია, თუმცა შესაძლებელია შავ ბაზარზე.

"მისი შოვნა შესაძლებელია შავ ბაზარზე და იგივე თანხა დაჯდება, რაც მაგალითად ცეცხლსასროლი იარაღი", - განაცხადა ექსპერტმა.

მისივე თქმით, შეიარაღებულ ძალებში ამ ტიპის ასაფეთქებელ მასალას, მოწყობილობას საბრძოლო მოქმედებების დროს გამოიყენებენ.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“