ქუთაისში ადგილობრივი თვითმმართველობის შენობასთან აქცია გაიმართა. არასამთავრობო ორგანიზაციების და პოლიტიკური პარტიების წარმომადგენლებმა იური ვაზაგაშვილის მკვლელობის ფაქტი გააპროტესტეს.
აქციის მონაწილეების განცხადებით, ქვეყანაში მძიმე ვითარებაა და შესაძლებელია არსებული ვითარების მსხვერპლი ნებისმიერი მათაგნი აღმოჩნდეს.
"შეიძლება მეც მომკლან ხვალ, რადგან დაუცველ ქვეყანაში ვცხოვრობთ. ის რაც რამდენიმე დღის წინ კასპში მოხდა, როგორც ხელისუფლების, ასევე მთელი ქვეყნის შეურაცხყოფაა. მოვითხოვთ, სასწრაფოდ მოხდეს საქმის გამოძიება და დადგინდეს, ვის მიერ იქნა შესრულებული ეს მკვლელობა", - აცხადებენ აქციის მონაწილეები.