მინსკში "ნორმანდიული ოთხეულის" მიერ შემუშავებულ დოკუმენტზე ხელის მოწერაზე დონეცკისა და ლუგანსკის თვითგამოცხადებულმა ლიდერებმა უარი განაცხადეს, - ამის შესახებ რუსული მედია იტყობინება.

შეთანხმება, რომელიც 14 თებერვლიდან აღმოსავლეთ უკრაინაში ცეცხლის შეწყვეტას, სამხედრო ტექნიკის გაყვანას და უსაფრთხოების ზონის შექმნას ითვალისწინებს, 14-საათიანი მოლაპარაკებების შედეგად უკრაინის, რუსეთის, საფრანგეთისა და გერმანიის ლიდერებმა შეიმუშავეს, თუმცა, გავრცელებული ცნობით, რუსეთი გარკვეულ პირობებს არ თანხმდება.

ოთხ ლიდერს შორის შეხვედრა გუშინ საღამოს დაიწყო და ამ დრომდე გრძელდება. პერიოდულად ანგელა მერკელი და ფრანსუა ოლანდი ვლადიმერ პუტინთან მარტო რჩებიან და მის დარწმუნებას ცდილობენ.