შინაგან საქმეთა სამინისტროს ინფორმაციით, 180-ე საჯარო სკოლაში გამნაღმველები მუშაობენ. როგორც "ინტერპრესნიუსს" უწყებაში განუცხადეს , პარალელურად მიმდინარეობს იმ პირის ვინაობის იდენტიფიცირება, რომელმაც სკოლაში სატელეფონო ზარი განახორციელა.

"სკოლაში შევიდა ბომბის არსებობის შესახებ სატელეფონო ზარი. ამის შესაბამისად, სამართალდამცველებმა კანონის ფარგლებში მოქმედება დაიწყეს და სკოლიდან მოსწავლეთა და მასწავლებელთა ევაკუაცია მოახდინეს. ახლა ადგილზე გამნაღმველები მუშაობენ. ასევე მიმდინარეობს იმ პირის დადგენა, რომელმაც სატელეფონო შეტყობინება განახორციელა", - აცხადებენ სამინისტროში.

შარშან, შსს-მ შესაბამის კანონში ცვლილებები განახორციელა და ცრუ შეტყობინებასთან დაკავშირებული მუხლით გათვალისწინებული პასუხისმგებლობა გაამკაცრა.