სპორტისა და ახალგაზრდობის საქმეთა სამინისტრო ქართველი კალათბურთელის, გურამ მინაშვილის გარდაცვალების გამო მწუხარებას გამოთქვამს.

აღნიშნულთან დაკავშირებით უწყება სამძიმრის წერილს ავრცელებს, რომელშიც გარდაცვლილის ოჯახსა და მეგობრებს თანაგრძნობს უცხადებს.

"სპორტისა და ახალგაზრდობის საქმეთა სამინისტრო მწუხარებით იუწყება, რომ 79 წლის ასაკში გარდაიცვალა ყველა დროის ერთ-ერთი საუკეთესო ქართველი კალათბურთელი გურამ მინაშვილი და თანაუგრძნობს ოჯახსა და მეგობრებს.

გურამ მინაშვილი 1960 წლის ოლიმპიადის და 1963 წლის მსოფლიო ჩემპიონატის მესამე პრიზიორია, 1957, 1959 და 1963 წლებში სამჯერ მოიგო ევროპის ჩემპიონატი, 1962 წელს კი, თბილისის "დინამოს" შემადგენლობაში, ევროპის ქვეყნების ჩემპიონთა თასი მოიპოვა. იყო სსრკ ჩემპიონი და პირველობის რამდენიმეგზის პრიზიორი.

კარიერის დასრულების შემდეგ გურამ მინაშვილი წლების მანძილზე ხელმძღვანელობდა საქართველოს ტექნიკური უნივერსიტეტის ფიზიკური აღზრდისა და სპორტის კათედრას", - ნათქვამია უწყების წერილში.