საქართველოს კულტურისა და ძეგლთა დაცვის მინისტრმა მიხეილ გიორგაძემ რაბათის ციხე და ახალციხის ისტორიული მუზეუმი მოინახულა. როგორც "ინტერპრესნიუსს" კულტურის სამინისტროდან აცნობეს, მინისტრს მუზეუმის დირექტორმა ციური ლაფაჩმა, ახალციხის მერ გიორგი კოპაძესთან ერთად, მუზეუმში დაცული ექსპონატები დაათვალიერებინა. მათ სამომავლო ერთობლივ პროექტებსა და ინიციატივებზეც ისაუბრეს.

ივანე ჯავახიშვილის სახელობის სამცხე-ჯავახეთის ისტორიული მუზეუმი ახალციხეში 1923 წელს დაარსდა, რომლის ბაზაზეც 1937 წელს მხარეთმცდნეობის მუზეუმი გაიხსნა. დღეისათვის მუზეუმის ფონდებში 25 000-ზე მეტი ექსპონატია დაცული.